الشخص اللي عنده جهاز مناعة قوي بيقدر يحارب أي وباء أو مرض بسهولة أكتر من غيره من الأشخاص، وفي ظل إنتشار فيروس كورونا من جديد، بنقدملك 10 خطوات هتساعدك تحافظ على صحتك وتوصل لجهاز مناعة قوي.
1- التغذية السليمة:
دعم مناعتك باتباع نظام غذائي صحي متنوع معتمد على الأكلات والأطعمة المفيدة للجسم، وخالي تمامًا من الوجبات السريعة الجاهزة (Fast Food) اللي بتسبب ضعف الجهاز المناعى وبتسهل التعرض للإصابة بالعدوى والفيروسات.
2- تناول الأطعمة الغنية بمضادات الأكسدة:
تناول الأطعمة اللي بتحتوي على خصائص مضادة للأكسدة لها أكتر من فايدة للجسم من ضمنهم تعزيز جهاز المناعة زي ( العسل الابيض - التوت - الشوكولاتة الداكنة - الكركم - الأسماك الزيتية - البروكلي - البطاطا - السبانخ - بذور عباد الشمس - الفلفل الأحمر - اللوز - البرتقال - الكيوي - الزنجبيل).
3- ممارسة الرياضة بإنتظام:
الرياضة والجيم والتمارين مش مهمة ومفيدة بس عشان شكل الجسم والعضلات، لا بتتركز أهميتها بشكل أكبر في مساعدة جهاز المناعة وتقويته للتصدي للبكتيريا والفيروسات المنتشرة، بجانب دورها في زيادة طاقة الجسم والقدرة على التحمل.
4- شرب المياه:
شرب المياه بكمية كافية يوميًا بيساعد على تحسين جهاز المناعة ودعم وظايف الجسم بشكل عام.
5- تناول الفيتامينات والمعادن:
دور دايمًا على الأطعمة والوجبات الصحية الغنية بالفيتامينات والمعادن، أو احصل عليها من مصدر بديل وتركيز أعلى من المكملات الغذائية زي (فيتامين E, C, D - الزنك - الحديد - بيتا جلوكان)، أو اللاكتوفيرين اللي أضافته وزارة الصحة في بروتوكول علاج مرضى الكورونا بسبب قوته في دعم وتعزيز جهاز المناعة.
تقدر تشوف كل الفيتامينات والمكملات الغذائية من هنا
التوتر والضغط العصبي من أهم الأسباب اللي بتؤدي لضعف جهاز المناعة وده لأن جسم الإنسان لما بيتعرض لأي ضغط بيفرز بشكل تلقائي كميات كبيرة من هورمون الكورتيزول اللي بيتسبب في ضعف وظيفة جهاز المناعة، عشان كدا يُفضل إنك تدعم جهاز مناعتك بممارسة التمارين اللي بتساعد على الاسترخاء زي التأمل واليوجا.
7- النوم الكافي:
جهاز المناعة القوي بيحتاج لفترة راحة جسدية لمدة 7-9 ساعات يوميًا، عشان يقدر يتنشط من جديد ويحافظ على كفاءته، بجانب إن النوم الكافي بيقلل من إفراز هرمون التوتر (الكورتيزول).
8- الحصول على التطعيمات اللازمة:
الحصول على التطعيمات اللازمة بيحفز الجسم على تكوين أجسام مضادة للميكروبات، وده بيعزز جهاز المناعة وبيزود قدرته على مهاجمة الفيروسات والبكتريا.
9- الاهتمام بالنظافة الشخصية:
10- الاقلاع عن التدخين:
النيكوتين من أكتر العوامل اللي بتسبب ضعف وإرهاق لجهاز المناعة وبتأثر على كفاءته بصورة سلبية، يفضل الاقلاع عن التدخين بشكل كامل لحماية جهاز المناعة
استنونا في مقال جديد ، ولو لسة عندك أي استفسار ابعتلنا رسالة على صفحتنا على الفيس بوك أو الإنستجرام.
